مدونة بوديأوعى تفكر في إيران من وجهة نظر الإيرانيين، أوعى
كل الناس بتتكلم على إيران دلوقتي يا إما من وجهة نظر اليمين الغربي أو اليسار الغربي، آه أنا فاهم إننا عندنا حالة فقر فكري عامة بسبب القمع وقلة التعليم وحالة الاكتئاب العامة اللي عند الأكاديميين العرب بس الواحد برضو تعب وورم من مقالات وتدوينات التحليل السياسي كإننا عايشين في مراكز دراسات في واشنطن محافظة أو ليبرالية.
يا اخواننا أحه بجد، الأوروبيين والأمريكان المستحمي فيهم اللي دارس في أكبر جامعات أوروبا يادوب عارف الفرق بين السنة والشيعة. والله العظيم تلاتة معظم المحللين الأمريكان والأوروبيين عنصريين وجهلة
كل الكلام عن إيران دلوقتي بيدور حوالين أصل ابن الشاه قال كذا (مش عارف ليه محمد رضا بهلوي ده بيفكرني بإبن عبدالناصر بس ده موضوع تاني)، أصل الموساد عمل كذا، لا أصل الانتفاضة ملهاش مسار منغير تدخل خارجي وكإن إيران دي بنما، بلد تعدادها أربعة مليون نسمة كل أهميتها ان فيها ممر ملاحي تجاري مهم.
إيران فيها تاريخ طويل من المعارضة من داخل إيران، عندهم معتقلات زيينا مليانة سياسيين بيقدموا أطروحات للخروج من الأزمة بدون الاحتياج للأمريكان ولاد الشرموطة، تصور يا مؤمن ان عندهم معارضة من داخل النظام عادي يعني؟ قادة الحركة الخضراء دول كانوا من داخل النظام وحاولوا ينضموا لنا في الربيع العربي في 2011 على فكرة ودعوا للانتفاضة ولسه محبوسين من ساعتها
أنا مش هشتبك مع الهبل بتاع إن الأمريكان والصهاينة مهتمين بسقوط حكم الملالي في إيران علشان الستات تقلع الحجاب ويبقى في ديموقراطية، انت لو عايش معانا في الكوكب سنة 2025 ومصدق ان الغرب مهتم بالديموقراطية فانت ربنا يعينك على نفسك والتعامل معاك كبني آدم عاقل قلة قيمة.
في طرق تانية والله غير تقسيم إيران اللي بتحلم بيه إسرائيل (على غرار سوريا) وغير حكم الملالي - اللي هو حكم عسكري بدقن بس ليه نفكر في التفاصيل دي؟ نستخدم لغة الأمريكان وخلاص ونتجاهل ازاي النظام الإيراني اتطور على مدى 30 سنة - أو رجوع الاهبل ابن الاهبل بهلوي علشان يعمل ديكتاتورية سيكسي جيرزل وشوبينج. مش هدعي اني عارف تفاصيل الوضع الداخلي في إيران دلوقتي، لكن عارف حاجتين مهمين الشعوب مبتواجهش كل هذا الموت بسبب شوية عملاء موساد، والأمريكان مش عايزين أي نظام ديموقراطي حر في الشرق الأوسط علشان مفيش شعب في العالم هيقبل جار السو اللي لابد لنا في المنطقة بسببهم.