مدونة بودياستكشاف النمط الفريد
حضرت النهارده مناقشة لكتاب استكشاف النمط الفريد. بعيدا عن إني اكتشفت للمرة المليون اني لسه بتوتر لما حد بيقول لي عرفني عن نفسك (في مرة هستجمع شجاعتي واقدم نفسي على إني شخصية من شخصيات راضيو كفر الشيخ الحبيبة وغالبا هيكون الأستاذ أحمد غباشي كاتب ناشئ) استمتعت جدا وانا بسمع أحمد الفخراني وهو بيتكلم عن الكتابة ومحاولة فهم القصة فيما وراء التقنيات الأدبية.
يمكن علشان ده شئ بيشغلني طول الوقت وبحاول الاقي له إجابة حتى وانا بحاول أحرر نص انا اللي كاتبه. كنت ببرر العطلة دي لإني مبقراش كفاية عن الكتابة وتقنياتها أو مبقراش كفاية عموما فببقى محرج اناقش التساؤلات دي. انبسطت جدا ان ده سؤال مش مزعج لي لوحدي ومتحمس أكمل قراءة الكتاب.