BooDy's HomePage

مش أحسن حاجه تعملها و انت مخنوق انك تقعد تسترجع في ذكرياتك الحلوه أو الوحشه. تقابل قريبك أو صاحبك اللي اتربيت معاه، كل واحد فينا عنده نسخه من الشخص ده في حياته، إبن خالتك أو عمتك اللي في نفس سنك و كنتوا ساكنين جنب بعض و انتوا عيال و يمكن لغاية دلوقتي أهاليكم لسه ساكنين جنب بعض. هتفتكر لما كنتوا بتلعبوا مع بعض، لما كنتوا هتغرقوا في المصيف، أول واحده ست شفتوها و اتهبلتوا عليها في حياتكم، بنت الجيران اللي برضو كلنا عندنا نسخه منها، إلخ إلخ إلخ....