BooDy's HomePage

بعد حوالي أسبوع من الصمم الجزئي في سؤال بيطرح نفسه، هو انا ليه اتعالجت؟

مسمعتش صوت عياط الأطفال و انا راجع في رحله 6 ساعات في الأوتوبيس.
مخدتش بالي ان الركاب بيتخانقوا مع سواق الميكروباص على الأجره غير بعد ما الخناقه خلصت.
في نفس الميكروباص مسمعتش صوت القرآن العالي اللي السواق مشغله طول السكه (مع إنه حرامي و خد أجره زياده).
سواقين التكاسي رحموني من مغامراتهم و انتصاراتهم الوهميه على ظباط المرور بمجرد إشاره لما بيبدأ القصه اني مبسمعش.
كنت سامعه شويه بس ضميري كان مستريح مش عارف ليه و انا متجاهل جرس التليفون و جرس الباب.
صحيح مسمعتش أكتر صوت بحبه لكن اترحمت من إني في نفس المكان اسمع أكتر صوت بكرهه و مستني اللحظه اللي يختفي فيها من حياتي.

اول ما بدأت المدونه دي من 3 سنين تقريبا كانت عامله زي بيتي التاني. المكان اللي بهرب له دابما علشان انفس عن غضبي و زهقي و قرفي من الوضع اللي انا شايفه قدامي.

عالم قذر و حقير و بكرهك. كرهتك طول عمري و شكلي هفضل اكرهك لغاية ما وقتي فيك يخلص. مليان حقد و كراهيه و ظلم القوي فيك بياكل الضعيف و الضعيف فيك بدل ما يدافع عن نفسه بياكل الأضعف و الأضعف منه بيرفع ايديه للي خلقه و ادي دقني لو استجاب.

Last night I watched 25th hour as recommended by Sherif Nagy and I loved it, a spike Lee movie with Edward Norton in the lead how can I not love it. I really liked a scene in the movie where Edward Norton talks to himself in the bathroom describing everything he hates in New York, you can find a quote to what he said here.