BooDy's HomePage

راكب تاكسي النهارده و رايح أقابل واحد صاحبي و شايل في ايدي شوية حاجات من ضمنها رواية ثورة 2053. سواق التاكسي تقريبا لمح كلمة ثوره و رقم خمسه بس من على غلاف الروايه. فضل سواق التاكسي الغلبان اللي سايق تاكسي مهكع ماشي بالعافيه و شكله في الخمسينات من عمره تقريبا باصص في الطريق و ساكت مبيتكلمش لغاية قبل ما انزل بشويه دار الحوار ده

السواق: معلش يا ابني ممكن اسالك سؤال؟
أنا: اتفضل يا باشا
السواق: انت يعني بمناسبة الثوره النهارده بتقرى الكتاب ده عن الثوره؟
أنا: لا مش محتاج اقرى عن الانقلاب دي روايه
السواق: أيوه يا ابني هي مش ثوره
أنا: لا هي ممكن تقول انها ثورة، ثورة حراميه

بيقول لك في اتنين طلبة ثانويه عامه انتحروا السنه دي بسبب صعوبة الامتحان. مش قادر أحدد موقفي بصراحه هل أنا متغاظ و هفرقع ولا عاوز اروح اقتل أهالي العيال دي ولا اربط على كرشي حزام ناسف و اروح افجر لجنة امتحان باللي فيها ولا عاوز اضحك. الأهالي بيقنعوا ولادهم ان نجاحهم أو فشلهم في النظام الدراسي المصري هو اللي بيحدد مستقبلهم، و العيال بتصدق و بيقتنعوا ان فعلا حياتهم يا هتتدمر يا هتبدأ بعد ثانويه عامه.

حبيت بس من هذا المنبر الإعلامي العريق اللي أكيد أنضف مليون مره من كل المنابر الإعلاميه الغربيه أو العربيه أن أعلن عن دعمي الكامل و الشامل للمرشح الأمريكاني الجمهوري جون ماكين.

بما إننا كعرب هنتفشخ سواء هلاري ولا اوباما ولا ماكين بقى الريس الامريكاني الجديد و بما ان الديموقراطيه الامريكيه مجرد كذبه كبيره و لا يمكن المرشح الوحيد الكويس في امريكا رالف نادر يبقى الريس الامريكي الجاي يبقى على الأقل ندعي ربنا ان يجيلهم واحد ابن قحبه يفشخ الامريكان اكتر و اكتر و يطلع ميتين امهم زي ما هيطلع ميتين امنا.

مكنتش عاوز اكتب تاني لكن مقدرتش. كان لازم اكتب أي حاجه عن واحد صاحبي. صاحبي ده شاب بسيط زيه زي كل الشباب اللي انضحك عليهم و مشيوا في ساقية الحياه لغاية ما خرج للدنيا و اتصدم في حقيقتها و صعوبتها. شاب عادي جدا زي أغلبية شباب مصر.

ممكن حد يفهمني يمكن انا مستوى ذكائي ضعيف شويه و مش فاهم الحكايه صح؟ هو ايه الفرق بين الضحيه المظلوم و البطل الشهيد؟

عالم قذر و حقير و بكرهك. كرهتك طول عمري و شكلي هفضل اكرهك لغاية ما وقتي فيك يخلص. مليان حقد و كراهيه و ظلم القوي فيك بياكل الضعيف و الضعيف فيك بدل ما يدافع عن نفسه بياكل الأضعف و الأضعف منه بيرفع ايديه للي خلقه و ادي دقني لو استجاب.

بصفتي طبعا شيخ طريقة أبو طرف و رئيس جمعية اليهوديه هي الحل آية الله أبو بودي الزقازيقي لازم كل كام يوم اخبط في نقاش مع حد من اخواننا أصحاب الفكر الإسلامي "القويم" و اتخبط لي فتوى تنزل على دماغي زي ما بيقولوا كإني أخدت تسعين قلم على غفله.

من كام يوم كنت قاعد مع اصحابي شلة ال geeks و واحد منهم طلع الموبايل بتاعه و سمعنا آخر الحاجات الجميله اللي معاه. من ضمن الحاجات دي واحد قذر كاتب قصيده في ذم مصر كنت سمعتها قبل كده مره أو مرتين و الحيوان اللي عاملها فخور بنفسه أوي و قايل اسمه في آخرها لكن للأسف مش فاكره.

الحق يا مصري آخر مظاهرة قبل الغاء الجمهورية واعلان مصر عزبة مستقلة
مش عايزين تعديل دستور .. عايزينك ترحل وتغور
يوم الأحد 25\3 الساعة 6 مساء هنعتصم في ميدان التحرير و نبات الليلة دي عشان نقول لأكبر عدد ممكن من أخواتنا على خطر تعديلات الدستور.

صدر اليوم الحكم بالرفض لحق البهائيين في استصدار أوراق رسميه مثبت لهم بها ديانتهم البهائية.

سيبك من كون الحكم ظالم ولا لا لإن انا ضد خانة الدين أصلا في البطاقه و في الأوراق الرسميه. الملفت للانتباه هو اللي قريته في تدوينة مختار العزيزي عن اللي حصل من المواطنين المصريين العاديين البسطاء قدام المحكمه أثناء تواجد مجموعة من النشطاء للتضامن مع البهائيين في يوم صدور الحكم.