حوار مع الله

Submitted by BooDy on Tue, 2009-04-21 18:09.

شخص: يا رب، يا رب انا تعبت من الدنيا و اللي فيها، إرحمني بقى يا رب
الله: ......
شخص: يا رب، يا رب انا عارف انك بتمتحني بس انا مش قادر خلاص. أعمل ايه يا رب دلني
الله: ......
شخص: يا رب، يا رب انت بتقول انك إذا حبيت قوم بتبتليهم، انت ابتليتني كتير أوي يا رب، يعني انت بتحبني؟
الله: ......
شخص: يا رب، يا رب أنا عارف اني غلطت كتير أوي، بس انت رحمتك واسعه، هو انت بتعاقبني يا رب؟
الله: ......
شخص: يا رب، يا رب و الله العظيم ده حرام اللي انت بتعمله في ده، إنت إيه يا أخي؟!
الله: ......
شخص: استغفرك ربي و أتوب إليك، أنا آسف يا رب، كانت ساعة غضب و الشيطان شاطر، سامحني يا رب
الله: ......
شخص: يا رب، طب انت خلقتني ليه طالما انت هتعذبني، انا مش عاوز اعيش كده يا رب، خدني بقى
الله: ......
شخص: يا رب، يا رب أنا خلاص، خلاص مش عاوز حاجه تانيه من الدنيا غير رضاك عني، إنت راضي عني يا رب؟

الشخص بيركب الميكروباص و هو محبط و مستسلم و عايش حاله من الصمت و بيحط في ودانه السماعات علشان يسمع درس فتنة النساء للشيخ محمد حسين يعقوب.

الله مخاطبا واحد تاني جنبه: هو ليه لغاية دلوقتي مخدش باله اني مبردش عليه؟
الواحد التاني: أصلهم غسلوا له مخه من زمان يا رب

العنوان مسروق من الله يرحمه توفيق الحكيم، و آسف على أي خدش أو جرح لمشاعر الإخوه المتأسلمين.


( categories: )

عاوز ترد وتقولى

Submitted by اى حد (not verified) on Tue, 2009-04-21 23:26.

عاوز ترد وتقولى استفدنا ايه من حكايتك الظريفة دى


هو انا كاتب في

Submitted by BooDy on Wed, 2009-04-22 10:43.

هو انا كاتب في صدر المدونه لا سمح الله إنها هدايه للبشريه و نور للعالمين و لازم كل كلمه فيها تفيد القارئ؟

أنا حر يا عم اكتب اللي انا عاوزه وقت ما انا عاوزه و لو مش عاجبك سهل أوي انك متقراش، عادي يعني.


الدرس المستفاد

Submitted by MaLek (not verified) on Thu, 2009-04-23 14:59.

الدرس المستفاد عشان الاخ صاحب اول تعليق
ان الرب رجل دماغه متكلفه,ومش بيرد ع البهائم.
تصفيق حاد :D


مش عارف ليه

Submitted by tyfjgjg (not verified) on Fri, 2009-04-24 20:16.

مش عارف ليه حاسس إنك ملحد


ده اللي فهمته

Submitted by ahmed (not verified) on Fri, 2009-05-01 13:25.

ده اللي فهمته من الدنيا يا حمار :))
الإستحمار درجات
شيوعي
لاديني
ماركسي
حمار كبير من اصحاب نظرية الماديه الجدليه
وكبيرهم الملحد
واضح من الكلام اني مش من المتأسلمين بدل ما الحبه اللي قاعد عليها تفقع

بس بجد الملحد اكبر حمار في الدنيا .. والملحد العربي حماره نتايه مفعول به :))

ليه ؟
لان الإلحاد موضه قديمه قبل اكتشافات كيفية خلق الكون والتصميم الذكي الخ الخ
انما الملحد حمار كبير
ممكن الناس تعذر اللاديني شوية .. انما الملحد ده ايه عذره ؟
اوفر عليك .. عذره انه حمار يا حمار :))


فعلا الملحد لا

Submitted by Too good to sign up (not verified) on Tue, 2009-06-09 14:49.

فعلا الملحد لا عذر له