اعتذار واجب

Submitted by BooDy on Fri, 2009-01-16 22:43.

مع بداية أحداث غزه كانت كل الدلائل و التصريحات بتقول إن حماس هي اللي خرقت التهدئه، و بناء عليه بسبب اني متحيز نوعا ما ضد سياسات حماس عموما تقبلت الكلام ده منغير ما اتأكد و كتبت تدوينه كنت متحيز فيها ضد حماس.

ثبت بعد كده ان الصهاينه هما اللي بدأوا بخرق التهدئة و صواريخ حماس كانت رد فعل للخرق ده. و فعليا دلوقتي اللي شايفه ان مكانش في حاجه حماس ممكن تعملها علشان توقف الحرب دي.

أنا لازلت ضد مواقف حماس كحركه ثيوقراطيه همها الأول هو إقامة الإماره الإسلاميه فعلا. و مختلف مع الاستراتيجيه اللي بتتبعها و مع موقفها من فتح المعابر. لكن لازم اعتذر لإني غلطت في موضوع خرق التهدئه.

أه و برضو لسه رأيي ان الإخوان عاوزين الحرق و مهدي عاكف كبر و خرف.


( categories: )

ربما تكون

Submitted by Ahmed Faissl (not verified) on Tue, 2009-01-20 02:55.

ربما تكون اسرائيل -وده صحيح فعلا كما أعرف منذ البداية بحكم متابعتي- هي من خرقت التهدئة..
لكن لن ينفي هذا الغباء السياسي العبقري -والعبقرية هنا تكمن في النقاء الطبيعي الصحي للغباء من أعمق بئر إخواني في نقابة المحامين- في دخول الانتخابات ولا في الخيارات التي تلتها ولا في الاستقلال بغزة -برغم أنه قد أخبرني من لا أتهم أن انفصال غزة فرض عليهم تماما كالمعركة الدائرة الآن- إلى الموافقة على التهدئة بمعزل عن السلطة -قال يعني دعما لشرعيتهم- إلى سياسة فرقعة البمب -الظاهر على ما يبدو انها صواريخ أرض جو مش أرض أرض..!!- إلى المحاربة لآخر طفل فلسطيني...!
"المخ الإخواني إخواني" هكذا قلتها على مسمع من كثير منهم في احدى المظاهرات التي تلت الاحداث...!