عن ويكيبيديا المصريه و "الهرتله" نتحدث

Submitted by BooDy on Sun, 2008-12-14 09:21.

كنت بدأت اكتب تدوينه علشان أفش غلي بعد حرقة الدم اللي شفتها من مشروع ويكيبيديا المصريه و الجهل و القوميه الغبيه اللي بيدل عليهم المشروع ده. للأسف محدش رد على الهبل ده غير الإسلاميين الدهلات اللي كل همهم الحفاظ على لغة القرآن. لكن صحيت النهارده الصبح على تدوينه عبقريه من طي المتصل اللي أكيد عنده إلمام اكبر مني بكتير باللغويات و بيعرف برضو يتحكم في أعصابه و هو بيكتب اكتر مني. مش من عادتي إني أشاور على تدوينه عجبتني لكن فعلا أول مره من زمان أحس ان حد كتب حاجه كنت بفكر فيها بصوره أحسن مليون مره من اللي كنت هكتبه.

اقروا عند أحمد غربيه تدوينة البتاع عن ويكيبيديا المصريه.


يا اخى هذه حركة

Submitted by Jehad99 (not verified) on Sat, 2009-01-10 16:03.

يا اخى هذه حركة صهيونية لكى تبعدنا عن لغة القران و تلهينا بلغة تدعى مصرية و يتخللها الالفاظ الامركية الاسرائلية الاصل حتى يغزو بلاد المسلمين, قاتلهم الله
يجب الرجوع للغة العربية فكل شعوب العالم تعتذز بلغتهم الا نحن, نفتخر بالانجليزية "لغة الكفار" لعنهم الله
و نطلبها فى وظئفنا
و نضعها لعلو ويندوزنا و لينكسنا


أخي، اسمح لي

Submitted by BooDy on Sat, 2009-01-10 16:44.

أخي، اسمح لي أقول لك ان رأيك سطحي و يوجه اتهام غبي و بدون أي أساس للمسئولين عن هذا المشروع.

أنا و إن كنت مختلف مع وجهة نظرهم لكن مش لدرجة إطلاق التهم المعلبه الجاهزه المحفوظه من خطب المشايخ الوهابيين و السلفيين من نوعية الصهيونيه و المؤامره العالميه و الكفار لعنهم الله.

استخدم عقلك بعد إذنك و نظف مخك من هذه الآراء المعلبه.


lol انا كنت بهزر,

Submitted by Jehad99 (not verified) on Tue, 2009-01-20 03:16.

lol

انا كنت بهزر, و بستعمل منطقهم فى الرد

:D

عندك حق انك اتلغبطت لان الهزار بقا جد للاسف
و اللى بنسخر منه و بنضحك عليه فى افلام عادل امام, بقا واقع و للاسف بينتشر

have a nice day


و الله دخلت

Submitted by BooDy on Wed, 2009-01-21 22:22.

و الله دخلت علي، انت شايفها هزار لكن ده كلام ناس بتقوله لي في وشي يا عم كل شويه لما خلاص حفظته :)

معلش جت فيك المره دي :)


ايه المفروض

Submitted by المكعب (not verified) on Fri, 2009-02-06 10:56.

ايه المفروض نعتز باللغة اللعربية في كل اعمالنا


أوافقك...الموضوع

Submitted by M.A.H (not verified) on Wed, 2009-04-01 22:34.

أوافقك...الموضوع بأكمله سخافة

ولا أفهم....لماذا تقول بأن هذا هو منطق الوهابية في الرد...تخلف للدرجة هذي فيهم؟