What Am I doing now?Places I visit dailyMisc.
|
مسلمبيضياSubmitted by BooDy on Thu, 2007-06-21 10:08.
و الله أعلم ده الاسم اللي بعض الإخوه البضاينه نفسهم يطلقوه على ويكيبيديا العربيه حيث ان ويكيبيديا العربيه لابد أن تكون اسلاميه خاشعه لذكر الله و في نفس الوقت تحتوي على مخزون كافي من البيضان. انا عندي عاده اني لما اقرى في أي مكان عن اي شخصيه معروفه أو حتى مغموره افتح صفحة ويكيبيديا العربي عن الشخص ده و النهارده كان من نصيبي اني اقرى تدوينة ربيع عن ذكرى اغتيال فرج فوده بغض النظر عن اني بكره أو بحب فرج فوده فلما افتكرته فتحت صفحة ويكيبيديا العربيه عنه و إذا بي يا اخوي الاقي مكتوب فيها اللي في الصوره دي "فرج فوده، رحم الله من قتله" يعني يا اخي بدل ما ايدك تاكلك كده على فرج فوده و لو حتى كان ابن وسخه عاوز الحرق ما تروح تكتب صفحه عن اي حاجه في ويكيبيديا بدل ما تتحفنا بآرائك الألمعيه. ويكيبيديا العربي فيها مقالات أقل من ويكيبيديا الإيطالي، يعني ايطاليا اللي لو طلقنا عليهم شبرا بس هياكلوا فيها الأخضر و اليابس فيها ناس مهتمين بحرية العلم أكتر من البلاد العربيه كلها على بعض أخي المجاهد اللي كتب الكلمتين دول في ويكيبيديا: جتك القرف قرفتني على الصبح اكتر ما انا قرفان ملحوظه: مش عاوز غباء و مش عاوز حد ييجي يقول لي انت في فيلق الكفر و مع الملاحده الملاعين، انا مسلم و فخور بإسلامي و أعتز بيه أكتر من أي شئ في الدنيا ولا كفرت ولا ألحدت ولا بقيت من عبدة الدرفيل. |
 |
Some rights reserved
![[FSF Associate Member]](http://slashproc.net/uploader/fsfbutton.png){kind=small}
إنت فخور
إنت فخور بإسلامك إنت ، خسئت يا ابن أبي شفلحة
لا و قاعدين يقولك اكتبوا بالعربي في ويكيبديا ، زودوا المقالات العربية في ويكيبديا ، أهي زادت و يا فرحتي بالزياده! ، المهم ان ممكن تعديل الكلام اللي هناك ، لو انت مضايق من الكلام تقدر تعدله ، و اهلا و سهلا بيك في أي وقت
ما انا عدلت
ما انا عدلت الكلام في ساعتها بس تأثيره بقى مينفعش يتعدل. شرفت مدونتي المتواضعه.
معلش مش فاهم
معلش مش فاهم وجهة نظرك، يعني مانكتبش مثلا ولا إيه مش فاهم. المثال ده أحد أمثلة ضعف المشاركة في ويكيبيديا العربية، شخص غير مسجل أضاف الجملة إلى المقالة ولضعف المشاركة لم يلحظها أحد، لو لدينا نصف عدد المشاركين في ويكيبيديا الهولندية ماكنش ده حصل.
hmm
What is that among your bookmarks that you got hiding ?! :-p
Work related bookmarks you
Work related bookmarks you little perv :D
hehe
ROFL ... but Porn related bookmarks you little perv :D
ايه المسخره دى
انا شايف ان حل المشكله دى بزيادة عدد المشاركين فى ويكيبيديا وان المراقبين اللى موجودين يكونوا محايدين و ياخدوا بالهم من التعديلات اللى بتحصل اول باول
تسلم إيدك يا مان
أنا أتفق معاك في رأيك ده مية في المية. ومتخافش من شوية المتخلفين اللي أول لما يلاقوا كلام عقلاني زي كلامك يقوم الدين ينقح عليهم ويوقلك ده كافر وبيستهزا بالدين والعك اللي ملينا منو ده. وتلاقيهم شايلين الكرابيج دفاعا عن الدين اللي تلاقيهم هما بذات نفسهم أبعد ما يكونون عن اتباعه الاتباع الصحيح
فعلا ويكيبيديا العربية بقالها فترة والواحد بيحس بالقرف من المستوى المتدني للموضوعية والمصداقية فيها
يبدو إن فيه حملة جديدة للجهاد الويكيبيدي انطلقت من فترة وبدات اثارها تظهر. توب علينا يارب
ده غير الأعضاء
قصدي في كتاب في الويكي تدخل ع البروفايل بتاعه تلاقيه كاتبلك : عضو مع مقاطعة المنتجات الدنماركية
أو عضو مسلم
أتوقع الحياد إزاي من واحد بيعرف نفسه بإنه ذو اتجاه من الأول
حاجة تقرف
انا بعرف نفسي
انا بعرف نفسي في ويكيبيديا على إني مسلم. مش دي المشكله يا استاذي. المشكله مش في وساخة دماغ عضو مشارك في ويكيبيديا. بيعرف نفسه على انه مع مقاطعة الدنمارك أو انه حتى مع أمريكا في الحرب على العراق. المشكله هي قلة المشاركه. لما كلنا نشارك في ويكيبيديا بمختلف آرائنا و بمختلف توجهاتنا هنقدر في الآخر نشيل الآراء الشخصيه الغير محايده. مهو طبيعي ان اي حد يكون له اتجاه. المهم اننا نبقى متواجدين علشان نحافظ على ويكيبيديا من الاتجاه ده و نحافظ على حياديتها
صباحك فل
that's when you give a
that's when you give a chance to those who don't deserve it. another one of the great islamic childish conquests that have been going on for 1500 years now and it just makes me want to puke.
إن ويكيبيديا
إن ويكيبيديا تتعرض لتخريب منظم
تذهب الجائزة البرونزية في التخريب المنظم إلى
الخوارج الجدد من بتاع "رحم الله من قتله"
الجائزة الفضية للشيعة
أما الجائزة الذهبية في التخريب المنظم في ويكيبيديا فتذهب
إلى
المنصريين التبشيريين
أنا أتكم حقائق لقد نزلت xml
بتاع ويكي بيديا كامل وكتبت نص perl
يحب عدد ال references
بعد الترتيب كان أول 21 موضوع كما يلي
1533 سفر التكوين
1288 سفر العدد
1213 سفر الخروج
1071 إنجيل متى
959 سفر التثنية
859 سفر اللاويين
810 صموئيل الأول
678 إنجيل مرقس
676 صفحات تصويت للحذف
618 سفر القضاة
444 صحابة
351 {{PAGENAME}}
278 صندوق مستخدم
254 رياضيات
245 ويكيبيديون
214 قوالب دول وأعلام
208 سفر يشوع
207 برمجيات
199 برمجة
193 لاعبو كأس العالم لكرة القدم 2006
180 مصريون
173 فيزياء
ده كل ده عشان
ده كل ده عشان بحثت عن فرج فودة...؟
أمال لو كنت كتبت "شيعة" أو صوفية" كان جرى لك إيه
لأ وشوف المخ الوسخ
واضح انه ما عملش أي تغيير غير إضافة "رحم الله من قتله" لأن ال\كي ما لاحظش ان كلمة اغتيال مذكورة أكثر من مرة، وهي لا تستعمل إلا عندما يكون القتيل قد قتل غدرا وغالبا خيانة
يعني عمرك ما تستعملها وانت متبني وجهة نظر القاتل..!!
ارحمنا يا رب
متآمر واهبل!!!
ما علينا
بص يا عم بودي
أنا كنت مشرف على منتد لمدة سنتين طلع ميتين أهلي فيهم
خلاصة رأيي أن أي موقع عربي عايز إشراف بقبضة من حديد
وسياسات الحظر والإيقاف وكل الحاجات اللي ما بتناسبش الناضجين دي لازم تطبق بقلب أسد
لأن فيه ناس ما بيجوش الا كده..
Post new comment