BooDy's HomePage

عالم قذر و حقير و بكرهك. كرهتك طول عمري و شكلي هفضل اكرهك لغاية ما وقتي فيك يخلص. مليان حقد و كراهيه و ظلم القوي فيك بياكل الضعيف و الضعيف فيك بدل ما يدافع عن نفسه بياكل الأضعف و الأضعف منه بيرفع ايديه للي خلقه و ادي دقني لو استجاب. مليان بشر أقذر من الحيوانات بيحولوا كل ما فيه خير لشر بيحولوا الدين اللي المفروض يبقى رحمه لكراهيه و عنصريه ، ولع بيوت دين ام المسيحيين الكفره اللي عاوزين يبنوا كنيسه، اضرب ميتين ام المسلمين ولاد الشرموطه اللي جايين يزاحمونا في بلدنا ما يرجعوا بلدهم و يسيبوا مصر لأهلها. نص الكبايه دايما فاضي ده اذا مكانتش كلها فضيت أو اتكسرت من الأساس يا اخي احه على الكبايه و على اللي صب نصها.

مصر دخلت المجلس العالمي لحقوق الإنسان، بلد الناس بتتسجن فيها علشان معتقداتها الدينيه و علشان بتقول لا للحكومه و دخلت المجلس العالمي لحقوق الإنسان، سلام كبير أوي للأمم المتحده الصهيونيه و عيط يا كريم يا عامر و يا عبدالمنعم يا محمود في زنزانتك منك له على حقوق الإنسان و سلم لي على نص الكبايه المليان. حياه كئيبه و ملعونه و لازم علشان تحبها تبص لنص الكبايه المليان لكن انا مش لاقي الكبايه اصلا.

متدورش على حته تكتب منها تعليق على التدوينه دي مش طالبه فلسفه و انت مش فاهم انا بكتب الكلام ده ليه اصلا. انا بس اللي هكتب كلام تافه و مبتذل ملوش معنى لحد غيري النهارده في التدوينه دي و اذا مش عاجبك محدش قال لك تقرى