What Am I doing now?Places I visit dailyMisc.
|
اللي بنى مصر كان في الأصل عنصريSubmitted by BooDy on Sat, 2006-12-16 23:29.
صدر اليوم الحكم بالرفض لحق البهائيين في استصدار أوراق رسميه مثبت لهم بها ديانتهم البهائية. سيبك من كون الحكم ظالم ولا لا لإن انا ضد خانة الدين أصلا في البطاقه و في الأوراق الرسميه. الملفت للانتباه هو اللي قريته في تدوينة مختار العزيزي عن اللي حصل من المواطنين المصريين العاديين البسطاء قدام المحكمه أثناء تواجد مجموعة من النشطاء للتضامن مع البهائيين في يوم صدور الحكم. انا كنت مصدوم من العنصريه الواضحه تجاه اللاجئين السودانيين و تبرير فعلة كلاب مبارك القذره و دلوقتي العنصريه الواضحه تجاه البهائيين. انا متشائم بطبيعتي لكن النهارده متشائم أكتر و اكتر. صباحك فل يا ام الدنيا |
 |
Some rights reserved
![[FSF Associate Member]](http://slashproc.net/uploader/fsfbutton.png){kind=small}
لأ الحل مش في
لأ الحل مش في الغاء الخانة خالص عشان الأحوال الشخصية .. يعني الزواج والطلاق والميراث الخ. يبقي الحل الأفضل هو أن يكتب كل شخص ما يريد وهذا لا يعني اعتراف الدولة بهذا الدين وحتي لو الدولة اعترفت ده مش معناه انهم هيدخلوا الجنة واحنا هندخل النار... في ناس كانت منفعلة جدا فعلا لكن بالتأكيد في ناس كانت بتسمع وتتحاور وأنا اسف اني ماقلتش ان في شاب وقف اتكلم مع شريف واقتنع واحنا واقفين. ده بقي غير ان في ناس هتبدأ تفكر بهدوء لما تخلص الهيصة وهكذا. هي مش عنصرية بالظبط، هو تعصب مذموم لأنه ضد الدين بحسب رؤية شريف ورؤيتي للأصولية الاسلامية.
قله قليله جدا
قله قليله جدا يا استاذ مختار للأسف. انا لسه متكلم دلوقتي مع إخوه "مسلمين" و كنت انا الزنديق بينهم علشان اعترافي بحق البهائيين و أي ديانه تانيه في ممارسة ديانتهم بشكل علني و ده التعصب لكن العنصريه هي الرفض الكامل بالرغم من إقامة الحجه على الرافض و عدم ترك أي فرصه له لإثبات رأيه المريض اللي لابس عباية الدين
مفيش فرق بينهم و بين ال KKK اللي باسم الصليب ارتكبوا فظائع تتنافى مع تعاليم المسيحيه في حق كل من ليس مسيحي بروتستنت
ياريت أكون غلطان و متكونش دي الأغلبيه و ياريت زي ما بتقول الناس تفكر بهدوء
Post new comment