BooDy's HomePage

مرة منذ شهرين جائني سخام يدعوني إلى ان أستبدل العربية الكارّو بأخرى ذات موتور و ثلاث عجلات.

كنت أود أن أفعل مثلك لكنني عندما تنبهت إلى طرافة الأمر كنت قد محوت الرسالة.

دا على سبيل أن أصحاب الكارّو هم من معتادي استخدام البريد الإلكتروني. و الله أفرح، لكن ما أظنش أن دي رسالة إعلانية لها أمل، و لا هي مجدية حتى لو عرفنا أن إرسال السخام لا يكلف شيئا تقريبا.

تنبهت إلى أنها تجارة بدأت تروج عندنا عندما بدأت ألاحظ أن مروجي السخام المصريين أصبحوا يعلنون عن أنفسهم في ذيول السخام الذي يرسلونه و يضعون أرقام هواتفهم.

يعني ايه بيروجو لنفسهم
هو السخام ده ليه سوق؟
يعني انا مخي يستوعب ان مانع السخام هو المطلوب لكن صانع السخام هيكون مطلوب ليه
آلا أذا كان هيمنع السبام اللي هو صنعه :)

هههههههههههههههههههه
مش ممكن الكلام ده بجد الحمد لله ان مجانيش حاجة زى كده لحد دلوقت
لا يا رب صحيح ده كان جالى بس على حساب الجى ميل مع انه لسة جديد ومش بديه لحد تقريبا
بصوا انا مش قادرة اكتب من كتر الضحك
هخلص ضحك وارجع تانى
سلام مؤقتا هابى سبام يا شباب

لا يا غربيه ده انت كده فعلا تجاوزت حدود السبام الطبيعي. المشكله ان على حد علمي لسه لغاية دلوقتي مفيش أي قوانين في مصر تعتبر السخام عمليه غير قانونيه و يجب معاقبة مرسله على العكس في دول تانيه بيتم تتبع مرسلين السخام و بيتعرضوا للمسائلة القانونية زي قانون محاربة السبام اللي تم تطبيقه في استراليا من سنة 2003 و غيرها من الدول. شئ عادي ان مرسلين السخام المصريين يعملوا دعاية لنفسهم لغاية ما تبقى العمليه غير قانونيه و حتى في وقتها متهيأ لي ان في بلدنا تطبيق القانون بقى حاله نادره :)

يا استاذ يحي السخام عباره عن نوع من الدعايه في أغلب الحالات و ان كان غير مرغوب فيه. تخيل معايا انك وصلت الدعايه دي لمليون مستخدم بتكلفه رخيصه جدا فبالتأكيد على الأقل في وسط المليون متلقي خمسين شخص على مستوى من الغباء انهم يقعوا في فخ الرسائل دي و اللي في بعض الأوقات بتبقى غطاء لعمليات نصب. بالتأكيد السخام له سوق و السوق ده هيكبر أكتر مع الوقت. تقدر تقول ان في علاقه طرديه بينه و بين عدد مستخدمي الانترنت.

ربنا يفرحك كمان و كمان يا عزه :)

عشان مكنش عاجبكو ان الصين غزت مصر بمنتجاتها . كان لازم احنا كمان ننافسها في أي حاجة نقدر عليها حتى لو كانت السبام
أعجبني تعريب كلمة سبام = سخام