إوعى المركب... إوعى القطر... إوعى الأوتوبيــــــــــــس

Submitted by BooDy on Wed, 2006-09-06 12:39.

إحنا كمصريين يا جماعه خلاص ملناش حل غير الانتحار. على الأقل نختار احنا الطريقه اللي نموت بيها و متجيش فجأه على سكة سفر. الأول مركب. و بعدها قطرين و دلوقتي أوتوبيس. انا لولا الصدفه البحته كان زماني ركبت قطر قليوب اللي عمل الحادثه لكن لحسن الحظ مرحتش الشغل يومها فيبقى انا من ضمن جماعة الناجين من القطر. ربنا يسترها و انجوا من الأوتوبيسات و المكروباص

و ربنا يرحم اللي ماتوا في الأوتوبيس

مصرع ثمانية معتمرين وإصابة 40 آخرين في انقلاب اتوبيس بالسويس
http://news.filbalad.com//News.asp?NewsID=15307


و أيه يعني؟ من

Submitted by SoFy (not verified) on Thu, 2006-09-07 21:18.

و أيه يعني؟ من يوم ما فخامته مسك و المصايب نازلة علينا زي المطر في الشتاء

و أيه يعني لما يموت 1000 واحد كل يوم؟ فخامته زعلان من الكثافة السكانية و عايز يقللها

و أيه يعني لما كل يوم تحصل كارثة لبلد المفروض إنه كان محور شرق أوسطي و كان أم العروبة و معرفش أيه؟ طالما فخامته نايم في القصر الجمهوري يبقى تنحرق البلد بالى فيها و اللى جابو أم اللى في البلد كمان

و كلها سنتين و الأستاذ الفاضل.. عفوا عفوا أقصد الرئيس القادم السيد المبجل جمال مبارك هيمسك و هيكمل مسيرة الوالد..

صباح الإحباطط

روّق كدا كلنا لها ومش بعيد نموت تحت قطر قريب القطارات ممكن تخبط في البيوت مفيش مشكلة ويشيل وزير و يحط وزير

يييي هحبطك تاني

خلاص بلاش إحباط..


لا لا لا

Submitted by BooDy on Fri, 2006-09-08 01:54.

ايه ده يا سوفي مش معقول كده. انت من حزب أعداء النجاح ولا ايه

بابا حس حس عاوز مصلحتنا دائما و أبدا. و اوعى تصدق كلام اعداء الوطن عن التوريث و الكلام الفارغ ده. جمال مبارك قال انه لا ينوي ورث مصر خالص. ده الشعب هو اللي هيختاره يا اخي

هو انتوا كده يا اعداء النجاح دايما تمسكوا في الحاجات التافهه زي الفساد و الإهمال و تسيبوا الانجازات العظيمة زي............... هي كتيره اوي بس مش فاكرها دلوقتي

ادعي معايا اللهم بيض وجه مبارك و ولده و ارفع كعبهما على أيدينا يا رب


انت فهمت الموضوع غلط

Submitted by BooDy on Sun, 2006-09-10 12:03.

شتيمة ملك مصر المعظم دي زي الشاي و طبق الفول الصبح. يعني حتى لو ملوش دعوه بالموضوع لازم نشتمه و ندعي عليه

صباح الخير يا سوفي و كس ام حس حس


يا أحمد يا غريب

Submitted by SoFy (not verified) on Fri, 2006-09-15 04:29.

يا أحمد يا غريب زي مابودي قالك بالظبت، شتيمة فخامته شيء أساسي، والدعاء على فخامته شيء أساسي يحدث يومياً من كل أم لايزال إبنها عاطلاً.. و من كل إبن هضمت الحكومة معاش والده بحجج فارغة..

على فكرة صحيح! حادثة الأوتوبيس هو المسؤول عنها لإن الطرق زبالة.. مش غلط سواقين وبس

سالنور يابودي لإن الجو دلوقت عندي لسة باليل.. يمكن بكرة الصبح الدنيا تتغير