فضفضه
Submitted by BooDy on Sat, 2006-01-07 19:44.
ناقم على البلد اللي عايش فيها و لازم اسافر لآخر الدنيا علشان الاقي شغل
ناقم على جزء كبير من الشعب بيطالب بالحريه و بيرفض إعطائها لغيره
ناقم على جزء كبير من الشعب بيرفض احتقار الخليجيين له و في نفس الوقت بيحتقر اللاجئين السودانيين
ناقم على الحكومة الدكتاتورية المقنعه بقناع من الطيبه و الديموقراطية المزيفة
ناقم على الحكومة اللي بتكافئ الفاسد و القذر و عديم الأخلاق و بتدفن الكفائة و الشرف
ناقم على وزير بيهدد بمحاسبة المسئولين عن خطأ حصل لفنانه بتشفط دهون و دلوقتي في غيبوبه و ضحايا مسرحية بني سويف دمهم راح هدر و كأنهم كلاب بل الكلاب لهم سعر أغلى
ناقم على الجيش اللي ضيع سنه من عمري مستني ورقه علشان اعرف اروح آخر الدنيا الاقي شغل و في الآخر غلط الجيش غلطه زودت كمان شهر
ناقم على شيئ و ليس شيخ اسمه محمد هدايه قبض قرشين علشان يدعم كلب الحزب الوطني في الانتخابات و بتفتح له الفضائيات ابوابها و مشايخ شرفاء آخريين بيتسائلوا في نهاية خطبة الجمعه يا ترى هيروح بيتهم ولا على امن الدولة النهارده
ناقم على كل اللي جنبي و مصرين يحولوني لنسخه منهم لأن هو ده النجاح في نظرهم
ناقم على إني لازم اضحك و بصوت عالي كمان لأني بكره شعور ان حد يحس بالشفقه تجاهي
صحيح الكلام لا بيودي ولا بيجيب لكن الفضفضه العشوائي دي بتريح شوية
|
![[FSF Associate Member]](http://slashproc.net/uploader/fsfbutton.png){kind=small}
Nice one :-) No Comment
Nice one :-)
No Comment
sa7
أكتر إتنين أثروا فية أوى:
ناقم على جزء كبير من الشعب بيرفض احتقار الخليجيين له و في نفس الوقت بيحتقر اللاجئين السودانيين
ناقم على وزير بيهدد بمحاسبة المسئولين عن خطأ حصل لفنانه بتشفط دهون و دلوقتي في غيبوبه و ضحايا مسرحية بني سويف دمهم راح هدر
ومالو !
يا باشا ناقم أو لا فدا أخرنا نقعد نشجب ونستنكر ويطلع دين أبونا و احنا مذلولين لحبة معرسين خريجي كليات متناكة يتحكمو فينا ورئيس علق معندوش غير أمن الدولة حامياه و بيخاف من خيالو من يوم ما شاف السادات جمبه بيموت بقا عنده عقد من السلطة و أهم حاجة ممنوع المظاهرات لحسن الحكم يتقلب ولازم نضحك على دين ام الناس ونقولهم السودانيين كانو بيشربو خمرة مع إنى كنت ساعتها فى الميدان نفسو و ولاد المتناكة نزلو فيهم رش بالمية والنسوان تسرررررررخ من البرد و دول مبيرحموش و فى الأخر مشونا و الناس قالت كلو على بيته بدل ما نتدبح زيهم !
روق يا حج روق مسيرنا نروح للتراب
وزى مقال محمد أنور السادات
لن يرتاح المواطن المصرى إلا فى قبره !
سلامات وقلبى معاك
للأسف ان الكلام
للأسف ان الكلام صح يا إيمان
و للأسف مفيش في ايدي غير الكلام يا سوفي
والله عندك حق
فضفض ياعم فضغض, احسن ما نكتم فى قلبنا لحد ما نطق
ناقم على ................................... حبيت اعمل زيك بس أنا القايمة بتاعتى تعمل بتاع تلت اربع صفح